Athleticek CD Teneriferi irabazi eutson atzo goizean Javier Perezen Kirol Hiri berrituan. Zuri-gorriak izan ziran jaun eta jabe, 30 gradu inguruko tenperaturarekin jokatu zan neurketan. David Aznarrek bi talde zelairatu ebazan berriro, non Eunate Astralagak, bigarren taldeko atezainak, bi hamaikakoetan errepikatu eban.
Hasieratik atera ziran: Astralaga, Gara, Maddi, Naroa, Elexpuru, Mariana, Itxaso, Yulema, Arana, Sanadri eta Azkona. Yulema Corresek barriro ireki eban markagailua lagunartekoa hasi eta gutxira, eta Azkonak, Aranak defentsaren bizkarrera emondako pasea, golean bukatu eban. Bi goleko abantailarekin joan ziran zuri-gorriak atsedenaldira.
Eunate Arraiza, Marina, Landaluze, Sara Ortega, Maite Zubieta, Pinedo, Nevado, Peke eta Zugasti atera ziran. Iragan zapatuan Zamudion jokatu ez eban aurrelari nafarrak estreinaldi biribila izan eban, Eunate Arraizak geldikako jokaldi batean penalti puntuan jarri eban baloi ona ederki aprobetxatu baiteban. Zugastik hegan harrapatu eban eta 3-0ekoa sinatu eban. Beroak estutzen jarraitzen eban, eta zuri-gorriek ez eben estualdi handirik izan, beti egon zitezkeen kalteei adi eta aurre egiten.
Nerea Nevadok, presinoan aktiboaren bidez, laugarren gola egin eban David Aznarren taldearentzat eta Clara Pinedok Zugastirekin bat-bikoa egin ondoren, norgehiagokako azken gola sinatu eban. Ez zan lesinorik izan, albiste positiboa beti denporaldiaurrean eta jokatu zan baldintzak kontuan hartuta. Lehen bi norgehiagokak 2. RFEFko bi aurkariren aurka jokatu ondoren, zapatu honetan lehoiek beren ligako aurkari bat izango dabe aurrez aurre: UDG Tenerife, Teide Trofeoaren anfitrioia, 20:00etan (Kanarietako ordua, RTV Canaria).
