Arizmendiarrieta Kristau Fundazioak Gizakia Fundazioaren lana saritu dau

Bilboko Eleizbarrutiak sustatutako erakundeak 40 urte beteko dauz aurten

Gizakia Fundazioa Arizmendiarrieta sariaren irabazle: “Gure esfortzuaren islada da”

Gizakia Fundazioko langile batzuk / Bizkaia Irratia

Arizmendiarrieta Kristau Fundazioak Arizmendiarrieta sariak banatzen dauz, enpresearen eredu inklusiboaren parte-hartzailearen printzipioak eta balioak ezartzen dabezan enpresa eta erakundeak saritzeko. Aurtengo saridunak, Bizkaian, Arteche enpresa eta Gizakia Fundazioa dira. Apirilaren 7an izango da sari-emote ekitaldia Deustuko Unibertsidadean.

Arteche orain 78 urte Mungian sortutako familia enpresa da. Gaur egun 2.700 beharginek osotuten dabe eta horreetako 600-k egoitza nagusian (Mungian) lan egiten dabe. Taldeak 17 herrialdetako enpresa hartzen dauz bere barruan. Gizakia Fundazioa Bilboko Eleizbarrutiak sustatutako gizarte-erakundea da, 1985ean sortutakoa eta heroinaren kontsumoak sortutako gizarte arazoari erantzun humanista bat emoteko. Ordutik, ibilbide luzea egin dau fundazinoak.

Bizkaia Irratiko Lau Haizetara saioan, Gizakia Fundazioko Programen arduradun dan Erdoitza Unanuek azpimarratu dau saria jasotea “egindako esfortzuaren eta ibilbidearen isla” dala. “Ia 40 urte daroaguz lanean, eta horrelako aitortzak gure profesionalentzat, boluntarioentzat eta erabiltzaileentzat indar-iturri dira”. Gaur egun, Gizakia Fundazioak 24 zerbitzu baino gehiago eskaintzen ditu, eta 70 profesional inguruk egiten dabe lan bertan. Igaz 5.150 pertsona inguru artatu ebezan. Nerabezaroan jokabide arriskutsuak prebeniduten, adikzinoak daukiezan pertsonen tratamenduan, eta gizarteratze eta laneratzean egiten dabe lan.

Etorkizunari begira, erronka nagusien artean estigmaren kontrako lana eta emakumeen tratamenduetarako sarbidea, Erdoitza Unanueren esanetan. “Emakumeak gitxiago heltzen dira eta gehiago kostetan jake tratamenduari eustea; horretan jarraitu behar dogu indar guztiagaz”, azaldu dau Erdoitzak.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Bizkaia Irratia
0:00 0:00