Entzun podkast-a

1314 kilometro egin ostean, Bixi ekimena atzo iritsi zan Ondarroara

Bruselatik Ondarroara arteko bidea egin dabe bizikletaz, gaixotasunari ikusgarritasuna emoteko

Entzun podkast-a | 20:29 2024(e)ko abuztuaren 8a • Deskargatu

Noemi Uribe: “Fibrosi kistikoa zaintza handia behar dauan gaixotasuna da”

20:29 1314 kilometro egin ostean, Bixi ekimena atzo iritsi zan Ondarroara | Lau Haizetara
WhatsApp
| Bilbo 2024/08/8 • 14:02
Radio Popular
Garagarrilaren 26an abiatu zan Bixi ekimena Bruselatik. 13 etapatan, bizikletan egin dabe Seber Uribek eta Aitor Agirrek Belgikatik Euskal Herrirako bidea, fibrosi kistikoari ikusgarritasuna emoteko. Izan be, fibrosi kistikoa daukien pertsonei eta euren familiei laguntzeko sortutako ekimen solidarioa da Bixi. Seber Uribek Bizkaia Irratiari esan deutsanez, Bixi ekimena “polita baina gogorra” izan da. “Nik uste dot baliogarria izan dala egin dogun guztia: asko zabaldu dogu, ikusi gaitue eta merezi izan dau egin dogun lan guztiak” azpimarratu dau Uribek.
Atzo, abuztuak 7, heldu zan Ondarroara Bixi ekimena. Lagun eta senideen babespean egin ebezan azken kilometroak herrira heldu arte. Bihar, abuztuak 9, emongo deutse ekimen honi amaierea. Egun guztiko jaia egingo dabe Ondarroan. Goizeko 11:00etan ekingo deutse egunari txupinazoagaz. Ostean, graffiti tailerra eta Asisko Urmeneta komikilaria egongo dira Kafeatzean. 13:00etan Garazi Etxaburuk emonaldiak eskainiko dau eta 14:30ean bazkaltzeko tartea hartuko dabe bertara hurreratutakoek. Arratsaldean be ekintzak izango dira. 17:00etan jolasak prestau dabez eta 18:00etatik aurrera  Eihar, The Riff Truckers eta Dj Elepunto izango dira egunari amaierea emoteaz arduratuko diranak.
Bizkaia Irratiko Lau Haizetara irratsaioan Seber Uribegaz batera, Noemi Uribe alkarrizketatu dogu. Noemiren alabak fibrosi kistikoa dauka, eta gaixotasun arraro honen ingurukoak azaldu deuskuz.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Radio Popular