Bilbon sartzen dan unetik lekuko barruko mezuaren egilea alkarrizketatu arteko irratsaioa zuzenean jarraitu ahal izango dozue, domeka honetan, Bizkaia Irratia, Bilbo Hiria, Naiz eta 97 irratiaren eskutik.
Auzoz auzoko kontakizuna egingo dogu, furgonetatik eta uriburuko leku ezbardinetan kokatutako irrati ezbardinetako kazetarien eskutik. Lekuko emoileen eretxiak eta sentimenduak jakingo ditugu, giroaren barri emoteaz gain. Udaletxe parean kokatutako kanpoko irrati estudioan jardungo dabe Gontzal Galán, Ane Zabala eta Oinatz Aizpuru esatariek. Hainbat gonbidatu hartuko ditue bertan, alkarrizketatzeko: antzerkile gazteak, Errigorako Irati Abio, Euskararen Kontseiluko idazkari nagusia dan Idurre Eskisabel, Taupa Mugimenduko ordezkariak, Algara eta Abante konpartsetako kideak, GUKA mogimendukoak eta abar. Aurtneo mezuaren egileak eta AEKko arduradunen batek emongo deutsie amaierea irratsaio bateratuari.
