Eguazten honetan, hasieran, zerua tarteka hodeitsu egongo da hondino, gaueko behe-hodeien hondarrekin, eta lekuren batzuetan lainoguneak agertuko dira. Hortik aurrera eguzkia izango da jaun eta jabe. Gauean goi-hodeiak ugaritu egin leitekez. Hego-ekialdeko haizea ibiliko da, arratsaldean Kantauri isurialdean tarteka ekialdekoa edo ipar-ekialdekoa. Hego-haizearen laguntzaz, iparraldeko tenperatura maximoak lau edo bost gradu altuagoak izango dira; hegoaldean maximoen igoera txikiagoa izango da eta Ebro ibarrean ez dira apenas aldatuko.
Itsasoko pronostikoa
Ekialdeko haizea ibiliko da, 3ko indarragaz. Itsaskirria izango da. Ipar-mendebaldeko hondoko itsasoak 0,5-1 m inguruko olatuak altxatuko ditu.
