Ondarroako babes dikeek olatu handien aurrean euki leikien portaera aztertzeko proiektua burutu dabe TYPSA Euskadik eta Madrilgo Unibertsitate Politeknikoak, Eusko Jaurlaritzak eskatuta. Denboraleei aurre egiteko dikeak handitu behar dirala ondorioztatu dabe. Gitxienez, 60 tonako 1000 bloke gehiago.
Zunbeltz Bedialauneta Ondarroako alkateak argitu deuskunez, ikerketa eta orain lizitazinora atarako dabez lanak. Aurreikuspena, datorren udarako dike barria ipini eta beraz, portuaren babesa sendotuta egotea da.
“Azken 10 urteetan igarten da olatuak errekan gora sartzen dirala”, aitortu desku alkateak. Arrigorritik Saturraranera doan oinezkoen ibilbidea be, sarri itxi egin behar izaten dabe itsaso bizia izaten danetan.
