Bertsozale alkarteak Babes Kutxa sortu dau. Sortzaileen baldintzak duintzea da asmoa. Lanarteak urtarrilean argitaratu eban euskal artisten lan eta baldintzen lehenengo inkesta. Emaitzek argi erakusten dabe artisten egoera prekarioa. Bertsozale alkartean, bertsolari, gai-jartzaile eta oro har, sortzaileen lan baldintzak duintzea eta babestea lortu gura dabe. Onintza Enbeita bertsolariak, ekimen hau, oso ondo ikusten dauala esan deusku.
Langile izatea
Sustapen kuantitatibo eta kualitatiboa bultzatu nahi dabe, hau da, ahalik eta saio gehien antolatu baino zelan edo zelango saioak antolatzen diran arduratzen deutse. Oier Iurramendik azaldu deusku zelangoa izango dan Babes Kutxaren funtzionamendua. Diru poltsa bat da izatez. Irizpide desbardinak kontuan hartuz, soldatapeko beharginen gizarte segurantzak betetan dauan funtzinoa beteko leuke. Onintza Enbeitak aipatu dauanez, amatasun bajan dago bera gaur egun. Baten baino gehiagotan joan da bertso-saio batera erdi makalik. Sortzaileek euren burua langile modura ikustea gatx egin daiteke, baina Enbeitak uste dau gizartearentzat be gatxa dala. Babes Kutxa, Lanku eta Bertsozale Alkartearen bitartez antolatzen diren saioak hartuko dauz kontuan, hau da, plazaren %35.
