Bizkaiko Emakume Feminista Abolizionisten Plataformeak bere aldetik antolatu dau martiaren 8ko aurtongo ekitaldia. Zabalburun egingo dabe, eguerdiko hamabietan. Plataforma honetan batuta dagoz Bizkaiko Emakume Feminista Erradikalak, Astrabuduako Talde Feministea, Emakume Askeak, Superviviente en Acción eta Kaleko Abolizionistak alkarteak.
Euron proposamena da prostituzinoa, pornografia, generoak eta haurdunaldi surogatuak desagerraraztea. Gaur egun emakumea produktua dala salatzen dabe, kasu askotan behintzat, eta generoen abolizinoak hori konpontzen lagunduko leukela. Horretarako hezkidetza proposatzen dabe. Feli Azagirrek Goizeko Izarretan irratsaioan esan deuskunez, lanean jarraituko dabe euron helburuak beteteko.
