Bolueko hezegunea Getxoko flora eta fauna anitzeko agertoki naturaletako bat da. Daukan balio ekologiko handiagaitik, EAEko Hezeguneen Lurralde Plan Sektorialean sartuta dago. Bertan ingurumen-proiektuak, sentsibilizazino-kanpainak, hezkuntza programak eta azken urteetan argitaratutako ingurumen-azterlan eta inbentarioak egiten dira.
Bolueko hezegunean Getxoko Ingurumen Aretoa aurkituko dogu. Bertan ibilbide interesgarriak eta hainbat ekintza prestetan dabez, bisitariak Bolue hezegunean gustura murgiltzeko eta naturaz gozatzeko. Jokoak eta eskulanak, ekosistemea ezagutu eta ulertzeko jarduerak, mikroskopioagaz intsektuak ikusteko aukerea eta landa-koaderno dibertigarria osotzeko modua be eukiko dabe ingurumen aretora hurreratzen diran bisitariek.
Astean zehar ekintza edo jarduera asko eskola desbardinetako ikasleentzako zuzenduta dagoz, baina edonork parte hartu ahal dau Getxoko Ingurumen Aretoan. Izan be, astegoienetan jarduera interesgarri asko eskeintzen dabez, eta Inge Urrutia, bertako Ingurumen Hezitzaileak Goizeko Izarretan irratsaioan esan deuskunez, “Astean zehar leku guztietako eskolak eukiten doguz, eta interesa daben pertsonak edozein momentutan. Astegoienetan, adibidez, familiei zuzendutako ekintzak daukaguz”.
