Gaur, apirilak 3, EHUko Zientzia eta Teknologia fakultadera jo dogu Oztadarraren Munduko Egunean. Aldian aldian ikusten dogun gertaera metereologiko horren jatorria eta zergatia ezagutu gura izan doguz. Jon Saenz irakasleagaz jardun dogu berbetan Goizeko Izarretan.
Izenak bat baino gehiago daukaz – Ortzadarra, oztadarra, erromako zubia, arkoirisa, bostarkue -, baina gertatzen dana beti da bardina: atzekaldean daukagun eguzkiak aurrealdean daukaguzan euri tantak errefraktatzen dabezanean sortzen da. Eta guk bakar bat ikusi arren, ur tanta bakotxari gertatzen jako hori. Ze, berez, oztadarra ez dago inon, ez da existitzen dan egitura bat. Eta koloreei jagokonez, zazpi kolore daukazan ustea, azalpen literarioa dala zehaztu deusku Jon Saenz irakasleak, ze gizakiok 10.000 milioi kolore zehazten ditugu.
