Jazz musika izango da protagonista Bermeon Jazzber jaialdiaren XXVII. edizinoan. Aurten, Gorka Benítez Quartet, Cesar Vidal & Artikulation Band eta nazinoarteko L.A.B. Trio izango dira oholtzara igoko diranak, jazzaren estilo eta jatorri desbardinak batuz. Kontzertu guztiak Bermeoko Kafe Antzokian izango dira, garagarrilaren 2tik 4ra, 20:30ean. Sarrera doakoa izango da.
Jaialdia Bermeoko Udalak eta Jizz Jazz kultur taldeak antolatzen dabe. Jizz Jazz taldeko kide dan Igor Markaidak taldeen kalidadea azpimarratu dau Lau Haizetara irratsaioan. Jaialdiaren helburua jazz musikea herritarrengana hurreratzea, zaletasuna eta ezagutzea sustatzea da. Jazzber jaialdia eskualdean ezinbesteko hitzordua bihurtu dala gaineratu deusku Markaidak.
