Ihintz Urkia Universitario Bilbao Rugby taldeko jokalariagaz egin dogu berba Emakumeak Jokoan irratsaioan. Izan be, Universitario Bilbao Rugby klubeko emakumezkoen taldeak denporaldi historikoa burutu dau. Batetik, Ohorezko B Mailara igon da, partidurik galdu barik. Bestetik, Euskadiko txapeldun be bilakatu da.
Ligari jagokonez, igoteko finala Bartzelonan jokatu eban talde bizkaitarrak Barcelona Universitari Club dalakoaren kontra. Bilbotarrek partidua nagusitasun osoz irabazi eben, 0-66 markagailuagaz. Beraz, sekulako erakustaldia emon eban Universitario Bilbao Rugby taldeak Camp Municipal de Rugbi La Foixarda zelaian.
Liga irabazi eta gero, Euskadiko erreginak be bilakatu dira Universitario Bilbao Rugby taldeko jokalariak. Bilbotarrek 14-52 irabazi eutsien Gaztedi RT taldeari Gasteizen, Euskadiko Errugbi Federazinoak antolatutako finalean. Beraz, modu ezinhobean amaitu da denporaldia talde bilbotarrarentzat.
Hazkunde geldiezina
Universitario Bilbao Rugby klubeko emakumezkoen taldea 2016an sortu zan, Bilboko errugbia bultzatzeko helburuagaz. Gaur egun, emakumezkoen sekzinoak 40 jokalari baino gehiago ditu eta talde bi. Beraz, kluba erreferente bihurtu da Bilbon eta Euskal Herri osoan.
