BArrikuntzaren Eguna ospatu zan joan dan astean, Innobasquek antolatuta. Eta tartean, arlo ezberdinetako kasu praktikoak ezagutzera emon ziran. Horretako kasu bi, Bizkaian garatutakoak dira.
Industria arloan Zunibal enpresako ordezkariak izan ziran. Adimen artifiziala atunaren arrantza eraginkor eta iraunkorrari aplikatu dabe eurak. Hezkuntza arloan, bestetik, Arratzuko Barrutialde Bigarren Mailako Institutua izan zan protagonistetako bat, aparatu elektronikoak mugimenduaren bidez kargatzeko sistema garatu dabelako.
Aitor Aizpurua Zunibaleko zuzendari teknikoagaz eta Xiomara Gezuraga Barrutialdeko STEAM–Hezkidetza programako arduradunagaz berba egin dogu. Talenturako hazia ikastetxean jarri beharko litzakeela adierazi deusku Xiomarak. Gero, talentu hori erakarteko Innovation Day moduko topaketak baliogarriak izan leitekezala gaineratu dau Aitorrek.
