Emakumeak Jokoan bigarren atalean Urgozo errugbi taldeko hiru jokalari gonbidatu doguz: Alea, Amaia eta Maialen. 18 urte, 31 eta 24 ditue hurrenez hurren, eta taldea familia bat dala azaldu deuskue. Adin tartea zabala daukie baina guztiak bat dirala argi itxi dabe. Kirol gogorra izan arren, hirurak nabarmendu dabe “merezi dauala” eta poz-pozik entrenetan dabela astero. Zapatu honetan, urriak 12, Ligea hasiko dabe eta jentea espero dabe eurek animetan.
Zornotzako emakume talde honek gizonen taldea be badauka, eta euren artean harreman ona dagoala gaineratu dabe, desbardintasun barik alkarbizitza egiten dabela eta giro bikaina dagoala azpimarratu gura izan dabe.
