Kevinth Cardona ondarrutarrak Red Bull-ek antolatutako nazinoarteko kukaña txapelketa irabazi dau. Hiru biderrez parte hartu dau Red Bullek antolatutako lehiaketan, eta bi biderrez irabazi dau. Liverpoolen jokatu da aurtengoa, eta berak eroan dau saria.
Txapelketan 300 lagun aritu ziran lehian, bost taldetan banatuta. Lehen fasean parte-hartzaile bakotxak aukera bakarra izan eban, eta puntuazinorik onenak lortu ebezanek egin eben aurrera. Finalean 20 lagun aritu ziran, baina banderari heldu eutsan bakarra Kevinth izan zan. Ondarrutarrak poz handiz hartu dau garaipena, eta nazinoarteko txapelketa baten Euskal Herria eta Ondarroa ordezkatzeko aukera izan dau.
