Arratzun sortutako familia-enpresa da Kiwilur, Euskadiko kiwi ekoizle nagusienetakoa. Vitoriano eta Garbiñek orain dala hamarkada batzuk abiau eben proiektua, gaur egun Arratzu, Mendata eta Munitibar artean banatutako finken sare zabal bategaz. Kiwiaren ekoizpena da euren ardatza, baina barazki ugari be lantzen dabez: Gernikako piperra, kalabazina, tomatea edo berenjena. Eusko Label eta Global GAP ziurtagiriek bermatzen dabe produktuaren kalidadea eta ingurumenarekiko errespetua. Pestiziden ordez burruka biologikoa eta ekoizpen jasangarria erabiltzen dabez, naturarekiko oreka zainduz.
