Markina-Xemeingo Grand Slama amaierara iristen ari da eta txapelketea finalaurrekoetan murgilduko da. Zapatu honetan, arratsaldeko 19: 00etan, bi partidak jokatuko dira: Olharan-Ibarluzea, Laduche eta Basqueren aurka, eta Barandika-Lopéz, Johan-Del Rioren aurka.
Ion Ibarluzea, Olharanen bikotea eta finalerdietan Laduche eta Basqueren aurka jokatuko dauen pilotaria izan da Bizkaia Irratian. Markinarrak etxean jokatzen dau eta pelotalekuak finalera arte bultzatzea itxaroten dau: “Motibazino gehigarria da ezagutzen dozun jenteagaz jokatzea, eta horrek konfiantza handiagoa emoten deust“.
Pasa dan astegoienean, Goitia-Gorka bikotearen aurka jokatu eta Markinako bikotea garaitu eben 2 jokotan. Ibarluzearen esanetan garaipen ona izan zan eta Goitiak eta Gorkak prisaka jokatu eben. Ibarluzeak esan dau partida liskartsua izan zala jokoen amaierara arte, beste bikoteak baino gitxiago arriskatu eta partida irabaztea lortu bait eben: “Ez genduan itxaroten holan irabaztea”.
Orain finalerdietan Laduche eta Basque izango dabez aurkari. Lapurdikoak unerik onenean dagoz eta A multzoko liderrak izan dira, Erkiaga-Zabala bikotea kanporatuz. Ibarluzeak finalean planto egiteko itxaropenez balorau dau partida: “Finalaurrekoan gagoz eta edonork irabazi leike“. Laduche eta Basqueren inguruan be berba egin dau. Markinakoak dino fisikoki eta joko-mailan ondo ikusten dauazala.
