Gizartea Politika
Medikuak bigarren greba astean murgilduta dagoz, estatutu propioa eskatzeko. Osagileak huelgea egiten dabilz martiaren 16tik 20ra. Eskaria zein dan? Medikuentzako Estatutu Marko propioa. Pasa dan hilean lehen lanuztea egin eben, baina beharginen ordezkariek dinoe azken asteetan ez dala aldaketarik egon. Joseba Artaraz medikuak esan deuskunez, bagilera bitartean, hilero astebetez greba egingo dabe. Ganera, greba mugagabea ez dago guztiz baztertuta. Panorama ikusita, Artaraz ez da bereziki baikorra eta ez dau uste arazoa epe laburrean konponduko danik.
