Gure gaurko protagonistek musika talde ezagun eta berezi bat osotzen dabe. Soinu eta giro tradizionala soinu modernoagaz ezin hobeto buztartzen dau Neomak musika taldeak. Euren abestiak entzun baino sentidu behar dira. Mitologian gertatzen dan moduan izen desbardinakaz ezagutu doguz, baina alkarregaz izen bat daukie eta kontzeptu bat baino gehiago da. Neomak grezieraz “Ilargi barriak” esan gura dau, baina askotan berbak ezin dira guztiz itzuli hizkuntz batetik bestera eta kasu honetan, euskeraz dala emon ahal dau itxura eta esanguragaitik be.
Neomak lau emakumez osotutako talde indartsua da eta zemendian disko barria kaleratu dabe, Lazturak Orbain. Geuretzako plazer bat izan da Neomak taldeko Irati Gutierrez Artetxe eta Alaitz Eskudero Unanue gure estudioan eukitea.
