Palestina, Eskozia eta Sardiniako taldeak izango dira aurten, Musika Bizian jaialdian. Galdakaon egiten dan musika jaialdia da honakoa. Estadurik bako herrialdeetako taldeak gonbidatzen dabez. Hamaikagarren edizinoa ospatuko da aurten. Andra Mari dantza taldea da antolatzailea eta bertatik, Xabi Ealok esan deusku, herrian finkatuta dagoen jaialdia dala Musika Bizian. Urtez urte, herritarrak jaialdiaren zain egoten dira.
Keinua Palestinari
Palestinako Apo & The Apostles taldearen kontzertua izango da aurten. Herrialde hartan bizitzen ari direna ikusita, eurak gonbidatzea erabagi dabe. Kontzertua, berezia izatea aurreikusten da. Sardiniako Nur taldea eta Eskoziako Imar be izango dira Galdakaon. Danetariko estiloak aurten be. Euskal Herriko taldeei jagokenez, Korrontzi taldea izango da bihar eta etzi Ipar Euskal Herriko Xutik taldea. Eta kontzertuez gain, bihar, Taberna Ibiltariak zabalduko dau jaialdia. Zapatuan, bestalde, goizez, luthier eta musika artisauen azokea izango da. Sardinia, Galizia eta Kataluniako artisauak gonbidatu dabez. Doako jaialdia da. Emonaldiak Galdakaoko Iturrondo plazan izango dira.
