Osasunaren Munduko Eguna izango da astelehenean, apirilaren 7an. ‘Hasiera osasungarriak, etorkizun itxaropentsuak’ da aurtengo leloa. Izan be, amatasunari eskainiko deutso arreta aurton data bereziak. Beraz, amak eta jaiobarriak izango dira protagonista. Kanpaina astelehenean bertan ipiniko da martxan.
Ekimena herrialde guztietan eroango da aurrera aldi berean. Helburu desbardinak egon arren, Juan del Arco geure botikariak garrantzitsuena zein dan gogoratu deusku: “Saihestu ahal diran jaiobarrien heriotzei aurre egin behar jake”. Izan be, lau milioi jaiobarri inguru hiltzen dira urtero. Batetik, milioi bi hilda jaioten dira; bestetik, beste milioi biek lehen hilabetean galtzen dabe bizitza. Amen kasuan, 300.000 emakume hiltzen dira urtero haurdunaldian edo erditzean.
Horren harira, jaio aurreko kontrolek daukien garrantzia azpimarratu deusku geure botikariak. Esaterako, aitatutako kontroletan malformazinoak ikusi ahal dira, erditze goiztiarra egoteko dagoan arriskua aztertu daiteke edo beste moduko arazoak idenfikatzeko aukerea dago. Edozelan be, amaren odol taldea ezagutzea funtsezkoa da informazinoa eskuratzeko.
