Euskalduna Jauregiak eguazten honetan Despotorre bakarrizketea hartuko dau, Ane Lindane eta Raquel Torresek gidatutakoa. Bakarrizketa umoretsua, freskoa, feminista, txoni-punka eta lotsagabea dala azaldu deusku Ane Lindanek gaur Lau Haizetara saioan.
DespotorrOPEN
Ane eta Raquelek daukien beste proiektua zein dan plazaratu deusku; DespotorrOPENA, emakume umoristen Bilboko lehen mikro irekia. Oraindik Bilbon eta Euskal Herrian ez egoan zeozer egin gura eben, eta holan sortu zan DespotorrOpena, orain arte arrakasta itzela daukana, hilean behin Bilboko alde zaharrean egiten dana, Kabaret lokalean.
