Atunaren nazinoarteko munduan garrantzi handia daukien urietako ordezkariak batu dira gaur Bermeon, Bermeo Tuna Forum ekimenaren bigarren jardunaldian. Atunaren munduko urien aliantzea sinatu dabe Bermeoko udaletxean, Aritz Abaroa, Bermeoko alkatearen eskutik Gaurkoa, hitzordu historikoa dala dinoe, Bermeo Tuna World Capitaletik.
Aritz Abaroa, Bermeoko alkatea, Marc Bigot, Concarneau, Bretañako herriko alkatea, Agustin Intriago, Manta, Ekuadorreko uriko alkatea eta Phillipe Micheaud, Victoria, Seychelles ugarteetako herriko alkatetzaren ordezkaria, eta Pago Pago, amerikar Samoako, General Santos, Filipinetako, eta Ta Majuro, Marshal ugarteetako herriko ordezkariak bildu dira gaur Bermeoko ekitaldian. Sinadurearen ostean, herriko kontserba enpresa batera joan dira atuna zelan lantzen daben ikustera.
Nabarmentzekoa da, Bermeoko berrogeta hamalau ontzi ari direla atun tropikalen arrantzan Ozeano Barean, Atlantikoan eta Indiako ozeanoan. Urtero, 400.000 tona atun arrantzatzen dabe, munduko harrapaketa guztien %10.
Bermeo Tuna World Capital alkarteak, atunaren iraunkortasunerako nazinoarteko deklarazio bat bultzatu dau, eragile guztien artean konpromiso partekatuak lortzeko eta atunaren balio kate osoan eragiteko.
Iñigo Urkullu lehendakariak, Euskadik itsasoarekin historikoki izan dauen lotura estua nabarmendu dau. Beste alde batetik, Aritz Abaroa, Bermeoko alkateak, atunaren munduan jasangarritasunaren aldeko apostu garbia egin behar dala esan deusku.
Atunak garrantzi handia dauka Euskadiko arrantza sektorean baina ez da gure arrantzaleek harrapatzen daben espezie bakarra. Bokartaren arrantzaldian bete betean dago sartuta baxura flota eta kanpaina ondo doala azaldu deusku Leandro Azkue, Eusko Jaurlaritzako arrantza eta akiukultura zuzendariak.
