Planik Plan irratsaio barriaren zazpigarren emonaldiari ekin deutsagu asteon Bizkaia Irratian. Barikuro, astegoienean zehar Bizkaiko txoko desbardinetan egongo diran ekintzen eta egitasmoen errepasoa burutzen dogu, geure lurraldean zer egongo dan jakin eta gura dozuen plana egin daizuen. Azaroko hirugarren astegoienetik Beernikolas, Bilboko Nazinoarteko Txotxongilo Jaialdia eta Bideberdeate martxa nabarmendu doguz.
Barikua
Beernikolas hasiko da barikuan Portugaleten. Egitasmoa barikuan hasi eta hurrengo egunerarte luzatu egingo da. Eguneko ekitaldiei jagokenez, Bryan Adamsek kontzertua emongo dau Bizkaia Arenan. Izan be, musikea protagonista izango da barikuan. Esaterako, kontzertu bi egongo dira gaueko 22:00etan. Batetik, Mala Hierba taldea Azkena Rocken egongo da. Bestetik, Bilboko Kafe Antzokian, Nada Surfen txanda izango da.
Zapatua
Hainbat ekitaldi ezbardin izango dira protagonista zapatu honetan Bizkaian. Esaterako, Bilboko Nazinoarteko Txontxongilo Jaialdia hasiko da. Ganera, El Visitante Extraterrestre izeneko ekimena eroango da aurrera Basaurin. Musikari jagokonez, kontzertu ugari egongo dira geure lurraldean. Halanda be, Raphaelek Bilbao Arenan eta Izarok Getxoko Muxikebarrin emongo dabezanak nabarmendu behar doguz.
Domeka
Astegoieneko azken egunari begira, hainbat ekitaldi izango dira Bizkaian. Esaterako, Bideberdeate martxa eroango da aurrera geure lurraldeko udalerri desbardinetan. Edozelan be, martxea Sopuertatik urtengo da. Eguneko egitasmoen esparruan, Bilboko Koral Alkarteak ‘Kantu Sarea’ obra interpretatuko dau Bilboko Arriaga Antzokian.
