Bizkaiko Bertsolari Txapelketea finalaurrekoetan bete-betean sartuta dago. Atzo jokatu zan finalaurrekoen lehenengo txandako saioetariko bat Abadiñon, eta Aitor Etxebarriazarraga sailkatu zan bigarren finalaurrekoetako saioetariko baten kantetako. Aitor Bizkarra be sailkatuta dago. Zemendiaren 9an Barakaldon jokatuko da lehenengo txanda honetako beste bat, irabazlea zuzenean sailkatuz. Gainerakoak puntuen arabera sailkatuko dira.
Bigarren finalaurrekoei dagokioenez, Bermeon jokatuko da bat, zemendiaren 15ean, eta Markina Xemeinen beste bat, zemendiaren 22an. Bizkaiko Bertsolari Txapelketako finala abenduaren 20an jokatuko, aurton lekuz aldatuta: Casillan izango da.
Bizkaiko Bertsozale Alkarteko kidea dan Asier Galarzak esan deuskunez, Bizkaiko bertsolaritzea osasuntsu dago eta erreleboa be egon badago, horren erakusgarri aurtengo txapelketa gaztea.
