Elantxobeko portuan herriaren itsas historia aberatsa nabarmentzen dauen erakusketa berezia dago ikusgai, abuztuaren amaiera arte. Asier Guenaga Landabasok antolatu dau erakusketa, Udalarekin eta alkateagaz alkarlanean, eta iraganari begira, antxinako bizipenak islatzen dabezan motorren eta itsasontzien bidez.
Erakusketa portuko tinglaupean dago, eta Guenagak 1960tik atxitutako argazki sorta bat aurkezten dau, tokiko historiaren dokumentu grafiko baliotsua. Ekimen honen bidez, Guenagak antxina bizi izandako egoera ezbardinak nabarmendu gura dauz, adin guztietako bisitariei euren komunidadearen sustraiekin konektetako aukera emoten deutsen ikuspegia.
Makineriaren erakusketa soil bat baino gehiago, erakusketa Elantxoberi “portu txiki baina indartsua” gisa egindako omenaldia da, eta adierazle historiko horreek ezagutzera emoteko aukera emoten dau. Guenagak komunidadea animetan dau doakoa dan erakusketa bisitatzera eta herriaren historiaren kapitulu liluragarri batean murgiltzera. Elantxoben itsas herentzia aberatsa hobeto ezagutu eta estimetako aukera parebakoa da hau.
