All Star txapelketea aurrera doa Donibane Lohitzuneko Campos Berri pelotalekuan. Finalaurrekoak erabagi dira, eta datorren astean jokatuko ditue. Martitzenean, 25ean, Olharan-Minvielle Goikoetxea-Inzaren aurka. Barikuan, 28an, Erkiaga-Zabala Tambourindeguy-Lopezen aurka.
Aritz Erkiaga eta Jon Zabala partidu biak irabazita silkatu dira. Lehenengoa, Goikoetxea-Inzaren aurka eta bigarrena, Laduche-Lekerikaren aurka. Erkiagagaz egin dogu berba. Azken partiduaren hasieran oker ibili zirala onartu deusku. Bigarren jokoan bideratu eben partidua (15-8, 11-15, 2-5).
Finalaurrekoetan, Tambourindeguy-Lopez izango ditue aurrean. Erkiagaren esanetan, Lopezen aurka ekin beharrean, Tambourindeguyren akatsen bila jokatu behar dabe. Sasoiz, Zabala eta biak ondo dagozala gaineratu deusku.
