Paul Goitisolo Otazua gernikarrak Gernikatik Oiz mendira joan-etorriko ibilpidea osotu dau lehenengoz, guztira 30 kilometro eta 1.200 metroko desnibela eginez, bi ordu eta erdian. Erronka honen helburua ez da bakarrik marka personala hobetzea izan. Goitisolok azaldu dauenez, mendiarekiko eta ingurunearekiko lotura azpimarratu gura izan dau, eta korrikalari bakotxa bere erronkak neurtzera animau.
Ibilpidea Gernikako Andra Mari eleizaren atarian hasi eta amaitu eban, hasierak eta amaierak daben sinbolismoari balioa emonez. Oiz mendia ez da ausaz aukeratutako helmuga izan. Gernikako korrikalariarentzat esanahi berezia dauen mendia da, gogorra baina erakargarria.
Arrolape Mendi Klubaren babesagaz egin dau erronka, eta Goitisolok nabarmendu dau komunidadearen laguntza ezinbestekoa dala horrelango erronkatan. Etorkizunari begira, bestelako mendiekin lotutako ideak buruan dauzala aurreratu deusku, prisa barik baina ilusinoz.
