Paul Urkijok zuzendu dauen Irati pelikulea asteon helduko da zine-areto komertzialetara. VIII. mendeko euskeraren zertzeladak topauko doguz protagonisten alkarrizketetan. Gidoiaren hizkuntza moldaketa egiten Irati pelikulako euskera arduraduna Gorka Lazkano aritu da. Goizeko Izarretan saioan Lazkanok esan deuskunez artxiboetan ikertu ostean, ulergarritasunaren mesedetan, pelikularako mintzaira egokitu dau.
“Berben adiera zaharrak bilatzen ibili naz eta antxinako forma zaharrak aukeratu doguz baina beti be publikoak ulertzeko moduan egokituta” azaldu deusku Lazkanok. Irati pelikulako aktore nagusiek Edurne Azkaratek, Eneko Sagardoyk edo Itziar Ituñok lan horretan erantzikun handia hartu eta ekarpenak egin dabezala kontau deusku Gorka Lazkanok. Filmean herri lauaren eta nobleziaren arteko berbakeran aldea igerriko da eta horri buruzko hainbat adibide azaldu deuskuz Lazkanaok.
