Musikaria eta ikus-entzunezkoen muntaketan ibilia da Mintegia, eta bi proiektu honeetan musika konposatzeaz gain, muntaketa-lanetan be parte hartu dau. Lanetako batek Gatiburen 25 urteko ibilbidea eta agertokiei emondako agurra jasotzn dauz; besteak, barriz, ETS taldeko Iñigo Etxezarretaren alderdi personalena erakusten dau.
Bizkaia Irratian azaldu dauenez, musika eta irudiaren arteko lotura oso estua da berarentzat. Izan be, soinu-bandak sortzerakoan, musikak eszenen erritmoa, tonua eta emozinoak indartzea bilatzen dau. Gatiburen dokumentalean, esaterako, gitarra-soinuak eta elementu elektronikoak buztartu dauz, taldearen rock izaerea mantenduz.
Dokumental biek lekua izango dabe zinemaren munduan, eta Mintegiak pozik hartu dau hain ezagunak diran bi euskal talderen istorioetan parte hartzeko aukerea. Bere esanetan, musika ikus-entzunezkoaren zerbitzura dago, eta muntaketaren ezagutzak asko laguntzen deutso soinu-bandak sortzeko orduan.
