Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola, herriko pertsona ospetsuak… Ezagutu Bizkaiko herri ezbardinak Herriz herri saioekin.
Asteon Lea-Artibai eskualdean izan gara, Ziortza-Bolibarren. Udalerriaren gorabeheren barri emon deusku Andoni Lariz alkateak. Simon Bolivar museoa erakutsiko deusku Beñat Ibaibarriaga teknikariak. Kanpape jubiladuen alkartearen jarduna azaldu deusku Jose Aransolo ‘Etxezabal’ek. Eta Ziortza-Bolibar herrian eta bertako herritarrengan oinarritutako Gollebarren erroak luze narrazinoaren egilea, Maddi Arozena be alkarrizketau dogu Herriz Herri saioan.
