Kepa Errasti aktorearen esanetan, pelikula desbardina, berezia da Una Ballena. Aurreko astetik dago zinema aretoetan Pablo Hernando zuzendari gasteiztarraren film barria. Bilboko Fant zinemaldiaren Pre-Fant atalean eskeini da, Sitgeseko zinema fantastikoaren jaialdian be eskeini zan eta Gijoneko nazinoarteko zinemaldian be izan da. Harrera oso ona izan dau orain arte, eta kritikarien aldetik be, eritxi onak nagusitu dira.
Euskal Herrian izan zan errodaia
Ingrid Garcia-Jonsson, Ramon Barea eta Kepa Errasti dira aktore protagonistak. Errastik esan deusku, filme berezia dala, desbardina. Ingrid izeneko ordainpeko hiltzailea da filmeko istorioaren protagonistea. Jonas da Kepa Errasti filmean. Ustekabean agertzen da bera Ingriden bizitzan. Una Ballena filmearen errodaia Euskal Herrian egin zan, Bilbon eta Okondon, besteak beste. Errastirentzat esperientzia polita izan zan.
