Maria Rivero Balmasedako abeslariagaz egin dogu berba 2025eko lehen Kafetxu Bana tartean. Orain dala 20 urte baino gehiago hasi zan ibilbidearen errepasoa egin dogu artistaren eskutik. Txikitatik musika ikasketak burutu arren, 2004an erakutsi eban bere talentua publiko aurrean lehenbiziko aldiz Rivero. Abeslari balmasedarra Valladolideko hainbat musikarikaz alkartu zan eta Gota a Gota proiektuari ekin eutson.
Edozelan be, proiektuaren luzapena ez zan bereziki luzea izan. Riverok uste eban bere lekua beste toki batean egoala eta 2006an Apurka taldea sortu eban lagun batzuekaz: “Neure benetako bidea Apurka taldearen eskutik hasi zan”. Ostean, Siroka, Hutsa edota Kintsukoroi proiektuak etorri dira.
Gaur egun, bakarlari moduan dabil Rivero. Dana dala, bere musika ibilbidea alde batera itxi dau azken hilabeteetan, Itxaso Paiagaz batera ‘eMcumeak’ antzezlanean dagoalako buru-belarri.
