Bilboko Eleizbarrutiak alkarteetako emakumeak omenduko dauz Martxoak 8 Mujeres aitorpen ekitaldian. Martiaren 7an, emakumearen nazinoarteko egunaren bezperan egingo da zazpigarren aitorpen ekitaldia Karmengo parrokiaren aretoan. Aurtengoa berezia izango da, Bilboko Eleizbarrutiaren 75. urteurrena dala eta. Bizkaiko Eleizak alkarteetako emakumeek urteotan erakutsitako konpromisoa eskertuko dau. Daniela Areli, Ana Zugaza, Isa Matilla, Loli Asua, Consuelo Puente, Mari Carmen Hernandez, Goyi Rivera eta Txaro Dañobeitiak jasoko dabe aitortza, Bilboko Gotzaina buru dala egingo dan ekitaldian.
Txaro Dañobeitia
Lau Haizetara irratsaioan Txaro Dañobeitiagaz egin dogu berba. Pozik eta emozionatuta dago. Urte asko daroaz Txaro Dañobeitiak larrabetzuarrak herriko alkartean laguntzen. Koruan hasi zan 18 urtegaz, katekistea izan da hogei urtez eta liturgia arloan dabil gaur egun. Hilean behin eskaintzen dabe liturgia berak eta beste emakume batek. Abadea ez dagoan domekatan izaten da hain zuzen. Txaro, kezkatuta azaldu da etorkizunari begira. Fedea gazteei transmititzea da lortu beharrekoa berarentzat. Martiaren 7ko ekitaldian Toño Valdivielso artisteak marraztutako ikurrra, oinatz pertsonalizatua jasoko dabe zortzi emakumeek Begoñako Basilikan.
