Egoera ekonomiko orokorraz galdetuta Mitxel Lakuntzak, ELA sindikatuko idazkari nagusiak “Goizeko Izarretan” saioan esan dau nahiko kezkatuta dagoala. “Inflazinoa jaisteko Europatik langabezia tasa igotea eta atzeraldia baino ez dabe proposatzen. Pobretze fase baten gagozala esan dau ELAko buruak eta egoerari hori supermerkaduetako prezioakaz eta hipotekakaz argi ikusten dala gaineratu dau.
Iñigo Urkullu eta ELA sindikatua
ELAko zuzendaritzea eta Urkullu Lehendakaria urte batzuk batzarrik euki barik daroezala esan dau. “Ez naz sekula Urkullu Lehendakariagaz batzartu, ez dau gugaz batzartu nahi. Kontraboterea demokrazian ezinbestekoa da, Urkulluk demokraziaren oso kontzepzio murritza dauka” adierazo dau Lakuntzak.
Hezkuntza
Hezkuntza Legaren proiektuari ekarpenak egiteko epea gaur amaituko da. Sozialistek esan dabe legeak euren babesa eukiteko A, B eta D ereduak mantendu behar dirala eta testuak hori idatziz jaso behar dauela. “Bildarratzek dino ereduen zehaztapenik ez dala behar aldaketarik ez dalako egongo. Murgiltze eredua eta Curriculuma aiatatuz ez da aldaketa handirik egongo” salatu dau Lakuntzak.
LAB sindikatuak urriaren 24rako irakaskuntza publikoan deitutako huelgeagaz ez dau egin bat. ELAren ustez LABek arazo bat dauko erabagi hori zegaitik hartu dauen azaltzeko. LABek Hezkuntza Sailagaz adostutakoa ez da nahikoa ELAren esanetan.
Iraupen luzeko langabeziari buruz, Europako Next Generation funtsei buruz eta Urdulizko Mecaner lantegiko lan gatazkeari buruz be berba egin dogu Mitxel Lakuntzagaz.
