Galdakaoko Virgen de la Vega eta Elexalde erresidentzietan terapia ezbardinen alde eginda, botika gitxiago behar dabez egoiliarrek. Maria Wolff Fundazinoaren errekonozimendua be jaso dabe erresidentzia honeetako beharginek. Egoiliarra erresidentziara heltzen danean, lehenengo- lehenengo tratamenduak barrikusten dabezala esan deusku Nara Ozaeta gizarte langileak.
“Kentzen deutseguzan botika gehienak, antidepresiboak izaten dira” azaldu deusku Ozaetak. Egoiliarrakaz terapia ezbardinak egiten dabez, medikazino horren ordez. Taldeko edo banan-banako terapiak izaten dira, fisikoak, kognitiboak edota ludikoak. Argiteriagaz be olgetan dabela esan deusku Nara Osaeta gizarte langileak eta honen arrazoia azaldu deusku. Jaso daben errekonozimenduagaz pozik dagoz Virgen de la Vega eta Elexalde erresidentzietako beharginak.
