Urdulizen abenduaren 31an San Silvestre lasterketa solidarioaren bosgarren edizinoa ospatuko da, Bularreko Minbizi Metastasiduna daukienen alde. Egitarau zabala prestau dabe ikerketea bultzatzeko dirua batzeko asmoz. 11:30etan txikitxuen lasterketa hasiko da (400 metro) eta amaitzean, nagusiena (2 kilometro). Lasterketez gain, dantza, merkadua, zumba, musikea eta askoz gehiago egongo da Urdulizen urteko azken egunean. Maiteder Intxaurragagaz berba egin dogu, Bularreko Minbizi Metastasidun alkarteko kidea da bera, eta azaldu deusku zelan farmakoak ailegetako arazoak daukiezala, eta horrexegaitik holako diru batzea oso garrantsitzua dala euren alkartearentzat.
