Askotan joten dogu familia-medikuarengana sexualidadeagaz lotutako konsultak egiteko. Medikuek eurek igarri dabe aspaldion, mota honetako konsultek gorantz egin dabela. Oraindino, dana dala, askori, batez be gizonei, kosta egiten jake gai honetaz berba egitea.
Erekzinoagaz lotutakoak gehienak
Gizonezkoen kasuan, arazoak 45-55 urtetik gora agertzen dira batez be. Erekzinoagaz lotutakoak izaten dira gehienbat. Arazo hau botika zehatz batzuk eragin leikie. Aipatzen da, hipertentsinoari aurre egiteko tratamenduen albo ondorio bat izan daitekeela erekzinoagaz arazoak izatea. Mikel Baza familia-medikuak gai honen ganean egin deusku berba.
