Valverdek denboraldi barriko lehen prentsaurrekoa emon dau goizean, gazteleraz. Gasteizeko entrenatzaileak Athleticen hainbat azken ordukoez berba egin dau. Gaur Jokoan azpimarratu doguz entrenatzailearen berba garrantzitsuenak.
Barri zurigorri gehiago
Athleticek Athletic Mugitz proiektua aurkeztu eban atzo. Autobuseko 8 linea barri sortu dauz klubak, Bilbotik kanpo bizi diran zaleen San Mamesera daukaten mugikortasuna hobetzeko. Autobusen geltokiak Aiala, Arratia, Enkarterri, Durangaldea, Lea-Artibai, Bermeo-Mungia, Busturialdea eta Gasteizetik pasatuko dira.
Bilbao Athleticek 7 partidu jokatuko dauz aurredenporaldian. Sestao, Sanse, Torrelavegako Gimnastica, Alaves B, Zaragoza B eta Aviles Industrial izango dira Carlos Gurpegiren taldearen aurkariak.
Mikel Balenziaga, Athleticeko jokalari ohia, A Coruñako Deporrek fitxatu dau hurrengo denporaldirako. Bestalde Ibon Ispizua, Lezamako harrobiko atezain sukarrietarra Eibarrek fitxatu dau 2026arte.
