Getxoko Komiki Azokak bere 21. edizinoa ospatuko dau irailaren 29tik urriaren 1era. Sektoreko figurei egingo jaken omenaldia izango da eta aurten Ana Miralles artista beteranoa eta Mikel Begoña euskal gidoilaria izango dira protagonistak. Getxoko Kultur Etxeak jakinarazo dauanez, erakusketan beste artista handi batzuk be izango dira, laster ezagutzera emongo diranak, besteak beste, Natacha Bustos, aurtengo kartelaren sortzailea. Oraingo honetan, azokearen merkataritza gunea, 40 salmenta postuz osotua, Areetako Geltokia plazaren ondoan kokatuko da, eta jardueren programea Romo Kultur Etxean egingo da, azken edizinoetan.
Ana Mirallesek ibilbide luzea du komikigintzan eta ilustrazinoan. Hainbat aldizkaritan argitaratu ditu bere lanak, besteak beste, Rambla, Madriz, Cairo, Marca Acme, Blue Press, Marie-Claire España, Vogue España eta Je Bouquine. Egile “urduri eta emankorra” da, eta, bere ibilbide profesionalaren lehen urteetan ume eta gazteentzako testu liburuak, kartelak, azalak, aldizkarien atalak, album kolektiboak, publizidadea, liburuxkak, serigrafiak eta komunikazino grafikoarekin lotutako era guztietako lanak landu dauz, antzerkia eta zinema ahaztu barik, jantzien diseinatzaile lez, funts eszenografikoak eta hainbat gidoi grafiko eginez.
Komikiaren esparruan, albumak eta serieak egin dauz, bai barne merkaturako, bai frantseserako. Bere kolaborazino ezagunenen artean, ‘Marruecos, mon amour’ eta ‘Eva Medusa’ (Glénat) trilogia nabarmentzen dira, Antonio Seguraren gidoiarekin. Emilio Ruizekin be lan egin dau, ‘El brillo de una mirada’ (Casset, 1990) eta ‘En busca del unicornio’ (Glénat, 1996-1999) trilogian. Beste alde batetik, Mikel Begoña (Euskadiko komikigintzako “gidoilari ospetsuenetako” bat da. Besteak beste, Ricardo Sendra artista argentinarrarekin lan egin dau eta 2007an Matxitxakoko batailaren 70. urteurrena ospatzeko bere lehen komiki liburua idatzi eta argitaratu eban: ‘Mar de Plomo’. 2008az geroztik, Iñaket marrazkilari bilbotarrarekin lan egin ohi dau, eta lan interesgarri bat garatu dau beragaz. ‘Tristísima ceniza’ egin eben 2011n, Gerra Zibilari buruzko obrea, eta 2012an ‘El pico de los cuervos’, Frankismoari buruzko lana. Azken urteetan ‘Ötzi (Ötzi, Por un puñado de ámbar, El cobre tenía un precio)’ sailean aritu dira buru-belarri. Serie horrek 1991n Alpeetan aurkitutako gorpuzkiak daukazan historiaurreko gizon baten istorioa berreraikitzen dau. Lan horreez gain, Xabiroi aldizkarian egindako lanagaitik eta erakusketa komisario lez egindako lanagaitik be ezaguna da. Horreen artean azpimarratzekoak dira ‘Komikia’, 1975etik 2017ra euskal komikigintzaren historia errepasatzen dauan erakusketea.
NATACHA BUSTOS
Aurtengo Aretoko kartela Natacha Bustosek egin dau, estaduko “egile ezagunenetako” batek. 2020an, Carmen Carnerorekin batera, belaunaldi barriko zortzi artista oparoenetako bat izendatu eban Marvelek ‘stormbreakerren’ programan parte hartzeko, argitaletxe estatubatuar handiaren marrazkilari gazteen elitean, eta, holan, askoz be enkargu handiagoak egin eutsiezan.
Gaur egun, Marvelen barruan “Espainiako promesa handienetako” bat da Bustos, eta gazteentzako telesail apurtzaileak ilustratu dauz, esaterako ‘Moon Girl’ eta ‘Diabolic Dinosaur’. Arrastoa itxi dau, gainera, ‘Spider-Man’ barriaren (Miles Morales protagonista duena) eta ‘Black Panterr’-en hainbat zenbakitan, ‘Chernobyl’ eleberri grafiko ospetsuan izan dauan lankidetza ahaztu barik.
