Ertzaintzak 20, 21 eta 22 urteko hiru gizonezko atxilotu dauz eguazten honetan, goizeko lehen orduetan, Bilbon, bi polizia jarduketatan, lesino delituengatik. Atxilotuetako bati arma zuriz egindako eraso bat leporatu dinoe, eta beste bi atxilotuek ukabilkadak eta ostikoak emon deutsoe biktimari.
Eusko Jaurlaritzaren Segurtasun Sailak jakinarazi dauanez, lehenengo ekintza goizeko 05:00ak aldera izan da, Bilbon, pertsona bat toraxean arma zuriz egindako zauri batekin lurrean etzanda egoala jakinarazi deutsoenean. Lekukoek egilearen deskribapen osoaren barri emon eben, eta lekukoak ihes egin eban.
Ertzaintzaren patruila bat biktimari laguntzera joan da, eta anbulantzia bat eskatu dau biktima Gurutzetako ospitalera eramateko. Beste polizia baliabide batek ustezko egilea aurkitu dau handik gertu, lekukoek ezagutu ondoren. Horrenbestez, atxilotu egin dabe. 20 urteko gizonezko bat da, eta datozen orduetan ertzain etxera eramango dabe, arma zuriz erasotzea egotzita.
Ordubete geroago, 112 SOS Deiak zerbitzura deitu eben, eta jakinarazi eutsien Metro Bilbaoko segurtasun zaintzaileek bi gizon atxikita eukiezala Abandoko geltokian, gazte bati eraso egiteagatik. Antza denez, biktimak lapurrak harrapatu dauz mugikorra lapurtzen saiatzen. Hori dela eta, hainbat herritar ohartarazi dauz, beren gauzekin kontuz ibiltzeko.
Une horretan, erasotzaileak harengana joan dira, aurpegian kolpeka eta lurrean egoala ostikoak emoten. Ertzaintzaren polizia baliabidea iritsi danean, agenteek beren gain hartu dabe egoera, eta 21 eta 22 urteko bi gizonak atxilotu dabez, eraso delitu bat egotzita. Bitartean, biktima osasun langileek artatu dabe eta Basurtuko ospitalera eraman dabe.
