Athletic Clubek Nico Serranoren kontratuaren klausula bete dau, 2026ko ekainera arte lehen taldeko jokalaria izan dadin.
Gainera, Athletic Clubek eta PEC Zwollek akordioa lortu dabe Serranok 2023/24 denporaldian lagata joka dezan. Talde hau Eredivisien dago, Herbehereetako lehen mailan, joan dan denporaldian maila horretara igo baitzan.
Nico Serranok (2003) 18 urterekin egin eban debuta Athleticen Marcelinoren eskuz eta 17 partidu ofizial jokatu dauz eta gol bat sartu dau lehoi gisa. Iragan denporaldian Bigarren Mailako CD Mirandes taldean aritu zan lagata, Joseba Etxeberriaren agindupean, Beñat Prados lehoikumearekin. Denporaldiaurre zuri-gorrian zehar Mexikoko birako bi lagunartekoetan parte hartu eban, Chivas eta Necaxaren aurka.
