Minguezak eskuekin egindako penalti batek eta, ondoren, Berenguerrek azken minutuan egindako golak balantza erabagi eban Athletic–Celta partiduan, Lehen Mailako 13. jardunaldia edegi ebana. Partidua alternatibaz beteta egon zan, beti garaipenagaitik izan ziran bi talderekin eta akats gitxien egin ebazanak irabazi eban.
Garaipen horrek LaLigako sailkapeneko bosgarren postuan itxi dau Athletic 24 punturekin eta Celta oso jota geratu da beste porrot baten ostean. Rafa Benitezen taldea, Bigarren Mailara jaisteko postuetan 7 puntu izanda, 18garren sailkatua da.
Athletic eta Celtaren arteko alternatibaz beteriko partidu hau gozamena izan zan ikusle neutralarentzat, ikuskizun eder batez gozau baitzeban. Halan be, 25. minutura arte itxaron behar izan eben lehen gola ikusteko. Iago Aspasek egin eban, partidu hasierea ona berretsiz. Aurrelariak partida irabazi eutson Paredesi eta zutoina jo eban jaurtiketa batek ezer egiterik izan ez eban Unai Simon gainditu eban. Aurretik, kapitainari gol bat baliobakotu zioten Strand Larsen jokoz kanpo egoteagaitik, eta gora bidali eban buruz burukoa Unai Simonen aurka.
Lehen zatiaren amaierea bikaina izan zan, 37.ean Sancetek burukada batekin bardindu baitzeban Nico Williamsen erdiraketea pozoitua errematau ondoren. Celtak jokoz kanpo aldarrikatu eban, baina Pulido Santanak ezer ez egoala esan eban. Gitxi iraun eutson pozak Athletici; izan be, Celtak aprobetxau eban Athleticek ez ebala korner bat urrundu Bambak aurrekaldetik jaurtiketea on bat egin zezan. Celtak atsedenaldia dastatzen ebanean, markagailuan abantaileagaz joatea espero baitzeban, Guruzetak 2-2koa sartu eban Nico Williamsek hegaletik egindako barnekaldi bikain baten ondoren.
Bigarren zatian, Strand Larseni gol bat baliobakotu eutsoen jokoz kanpo milimetriko bategaitik, baina ondoren, 66.ean, Strand Larsenek Celtaren jokaldi azkar bat errematau eban, Iago Aspasen ordez.
Eromena 70. minutura iritsi zan, VARa kontsultau ondoren Pulido Santanak penaltia adierazo ebanean Unai Nuñezen jaurtiketa bat gelditu eban Guruzetaren eskuengaitik. Iago Aspasek hartu eban ardura baina Unai Simonek geldiketa bikaina egin eban.
Hortik aurrera ez zan gola sartzeko aukera handirik izan. Onena Guaitak gelditu eban Dani Garciarentzat izan zan. De Marcosek be penaltia eskatu eban, baina Pulido Santanak, Aspasen antzeko jokaldi batean agindu bezala, zigorrik handiena ez egoala erabagi eban, baina bai azken bigarrenean, Minguezaren eskutik. Berenguerrek ez eban aukerea alferrik galdu eta 4-3koa egin eban Guaita jaurtiketean engainauz.
Horrela itxi zan Athletic Lehen Mailako sailkapenean 24 punturekin uzten dauen partidu bat, bostgarren postuan.
