Bariku honetan eguraldi lasaiagaz jarraituko dogu. Egunaren hasieran erdi mailako hodeien eta goi-hodeien hondarrak agertuko dira zeruan eta barrualdean lainoa sortuko da. Goizak aurrera egin ahala danean jasoko da eta gainerako orduetan zerua oskarbi edo hodei gitxigaz egongo da. Arratsalde-gau partean, iparraldean, behe-hodei batzuk agertu leitekez. Arratsaldean iparraldeko haizea ibiliko da, gainerako orduetan aldakor eta makal. Tenperatureak antzean jarraituko dau.
Itsasoko pronostikoa
Norabide aldakorreko haizea ibiliko da, 2ko indarragaz; goizean hego-osagaia nagusituko da eta arratsaldean ipar-osagaia. Itsaso kizkurra eragingo dau. Ipar-mendebaldeko hondoko itsasoak metro bat inguruko olatuak altxatuko ditu, eta egunaren amaieran metro erdi ingurukoak.
