Arantzarte Dantza taldea 1974ko maiatzean sortu zan. Mende erdia beteko dau taldeak, beraz, 2024.urtean. Dagoeneko hasi dira ospakizunerako antolaketa lanetan. Dantza taldeko kide guztiak inplikau gura dabez, eta horretarako bilera ireki bi antolatu dabez. Behin forma emonda, lan taldeak sortuko dabez urteurreneko ospakizuna antolatuteko. Igorreko Udalagaz eta herriko beste alkarte batzukaz be hartuemonetan ipini dira. 2024ko maiatzeko azkenengo astegoienean ospatuko dabe 50.urteurrena.
Hasierako entsaioak Arteako fraile gabrielinoen egoitzan egiten ebezan. Bertan 14 urtetik gorako neska-mutilek hartzen ebezan dantza klaseak. Ondoren hainbat lekutan entsaiau eben: Areatzako sakramentinoen eraikuntzan, Zeanuriko Zulaibarreko lanbide heziketa zentroaren harreran, Zeanuriko eskolan, Dimako eleizpeko udaleko lokaletan edota Igorreko Institutuko gimnasioan. Azken leku aldatzea 2005-2006.urtean egin eben, Igorreko kultur etxera.
Urte honeetan zehar Arantzarte Dantza taldearen nortasuna tradizinoa, euskal kulturea eta euskerea izan dira.
Andere Arrizabalaga dantza taldeko kidearen eskutik errepasatu dogu Arantzarte Dantza taldearen ibilbidea Herriz Herri saioan.
