Apirilaren 4tik aurrera bake epaileek ezin izango dabe ezkondu. Eba Gaminde bake epailea da Mungian, baina baita Deustuko Unibertsidadeko irakaslea be. Horrela azaldu deusku erabagia: “Orain dagoan antolaketea 1985. urtekoa da eta orduko gizarteak eta gaur egungo gizarteak ez dauka zerikusi handirik. Esaten da lehen mailako jurisdikzinoa pertsona bakarrekoa izan beharrean, hobe dala kidego organoa izatea. Hori izango zan arrazoia baina ez dakit zerikusirik daukan bake epaile baten zereginagaz”.
“Bake epaileok ez gara zuzenbide mundukoak izan behar. Suposatzen da bake epaile bat dala herriak izendatzen dauan pertsona, errekonozimentu ona daukalako herrian, hurbileko pertsona dalako eta hori ezin da galdu. Eginkizun nagusia, ezkontzak egitearen eginkizuna galtzen badogu, harreman asko galtzen dogu”, esan dau Eba Gamindek Goizeko Izarretan irratsaioan.
