Berriatuako Udala zaintza langileak lan eskubideetan alfabetatzeko liburuak kaleratzen dabil urte hasiera honetan. Ideiaren jatorria 2023ko greba feministan aurkitzen da. Izan be, Berriatuako foro feministagaz alkarlean egindako lana da argitaratutakoa. Lehen alea dagoeneko kaleratu eta aurkeztu eben orain dala zapatu bi zaintza langileen aurrean. Horren harira, lehen liburuxkaren ganeko xehetasunak ezagutu doguz Ainara Santamaria Berriatuako Udaleko aholkulariaren eskutik. Urtea amaitu aurretik sei liburuxka kaleratzea aurreikusita dago.
