Planik Plan irratsaioaren emonaldi barri bati ekin deutsagu asteon Bizkaia Irratian. Barikuro, astegoienean zehar Bizkaiko txoko desbardinetan egongo diran ekintzen eta egitasmoen errepasoa egiten dogu, gure lurraldean zer egongo dan jakin eta gura dozuen plana egin daizuen. Astegoien honetan, 60. Durangoko Azoka, Zornotzako gabonetako argien piztea, 48280, Bizardunak eta Mirua izango doguz, besteak beste.
Barikua
Astegoien honetan plan asko egongo dira egiteke Bizkaian, barikutik hasita. Ekitaldi askok Durangoko Azokagaz lotuta dagoz. Zalantza barik, astegoieneko protagonista izango da 60. Durangoko Azoka. Programazino osoa Durangoko Azokaren webgunean kontsultau daiteke. Halanda be, badira beste hainbat plan: Zornotzan gabonetako argien piztea; 48280 kontzertua Bilboko Kafe Antzokian; Igogailua antzezlana Getxoko Muxikebarrin; eta Klown bertso saioa Zeberioko Aretoan.
Zapatua
Hainbat ekitaldi ezbardin izango dira protagonista zapatu honetan Bizkaian. Esate baterako, Bizardunak taldeaen kontzertua Getxoko Muxikebarrin, Mirua eta Naxker Durangoko Plateruenan, eta Flax Adarbakar Zallako Antzokian.
Domeka
Astegoieneko azken egunari begira, ekitaldi hauek izango dira Bizkaian: Fosil Amaraunako Arte Fabrikan, eta Bertso bazkaria Muruetako Eleizalden.
