Gernika Rugby Taldeak ezin izan dau helburua bete. Ohorezko mailatik jatsi, eta B mailan jokatu beharko dau datorren urtean. Aurretik, Ordiziaren aurkako derbia geratzen da. Apirilaren 29an, zapatuz, Altamiran. Helburua irabaztea da. Eduardo Maidagan entrenatzaileagaz egin dogu berba Jokoan saioan.
Atzera begiratuta, goi mailako errugbian lehiatzea gero eta gatxago dala esan deusku. Horretarako, ezinbestekoa da 15 fitxaje inguru egitea. Diruz ondo egotea. Gernikak azken denporaldi biak egin ditu Ohorezko Mailan, baina maileari eutsi ezinik ibili da bietan. Azken honetan, gainera, B mailan jokatzekoak ziran hasieran. Klubak sakon hausnartu beharko dala esan deusku Maidaganek.
Berak hausnartu dau. Aurtengo denporaldia amaitu eta gero, atsedena hartuko dau. Txikitatik dabil errugbian. 13 urte eukazala hasi zan jokatzen. Beti, Gernika Rugby taldeari lotuta. Gorengo taldea zuzendu dau 7 urtean. Ohorezko mailan 1o0 partidu izan dira. Merezitako atsedena hartuko dau Maidaganek.
