Bizkaia Irratia
Urte barriaren hasieragaz batera, persona askok dieta desbardinak ipinten dabez martxan. Halanda be, dieten esparruan dagoan ezjakintasuna nabarmena da. Hasteko, ez da dieta miragarririk egin behar, osasunerako txarrak dira eta. Pisua pixkanaka-pixkanaka galdu behar da, errebote-efektua saihesteko. Osasuntsu egoteko, batez be, gako bi dagoz: ariketa fisikoa egitea eta elikadura zaintzea.
Dietaren esparruan, oso garrantzitsua da ur asko edatea, bere horretan edo infusinoetan. Guztira, ur litro bi inguru edan behar dira egunero. Elikagaiei jagokenez, bost otordu egitea gomendatzen da. Gosarian, fruta-pieza bat ondo jatorku; hamaiketakoan, beste fruta-pieza edo infusio bat hartzea ondo dago; bazkarian, entsalada da aukerarik zuzenena; meriendan, beste fruta-pieza edo infusio baten aldeko apustua egin behar da; afarian, janari arinak dira onenak, ondo lo egiteko.
Gabon osteko dieten inguruan egin dogu berba Juan del Arcogaz, Bizkaiko Farmazialarien Alkargoko zuzendari teknikoagaz.
